Euskal sustraietarako bidaia
Haltzak eztü bihotzik
Ez gaztanberak hezürrik.
Enian uste erraiten ziela
Aitunen semek gezürrik.
Aho-narrazio saio honek XV. mendeko garaietara eramaten gaitu, Zuberoa aldera, eta mendetan ahoz aho transmititu den izen bereko balada berreskuratzen du, Mikel Laboak bezalako kantari famatuek jaso zuten bezala baina istorioaren alde narratiboa azpimarratuz.
Balada honen musikaren oroimenez tiraka, Begok kantatu eta kontatuko du bere Bereterretxeren istorioa, aspaldiko olerki hauetan azaltzen zaizkigun datuak lotuz, osatuz eta musikaren xarmaz gozatuz.
Euskal Herriko historiarekin estuki lotuta dago kontatzen denaren bidez azaltzen zaizkigulako garai urrun hartako hainbat gai: bandoen arteko gatazkak, nobleziaren garrantzia, herriaren beldurra, sorginen indarra,… Baina gai hauetatik aparte, oraindik gaur egunean iraun dutenak ere aipatzen zaizkigu: egiaren garrantzia, izaera sotilaren eta taldearen indarra, ereduak zaintzearen beharra,…
Norentzat: helduentzat
Hizkuntza: gazteleraz/ euskaraz
Iraupena: ordu betea
Kontalaria: Bego
Gomendioak
Toki lasaia behar dugu saioa bideratu bitartean entzute-giro aproposa bermatzeko.
Komeni da espazioak desberdintzea: batetik, eszenatokia, ahal bada, altuera txiki batean eta, bestetik, aulkidun espazioa entzuleentzat (txiki zein nagusiak), iladetan jarrita eta erdibiribil bat osatuz.
Kanpoko eszenatokia izanda, beharrezkoa da soinu-ekipoa, hau saioaren salneurriari gehituko zitzaiolarik.
Entzute-giroa bermatzen duen arduraduna izan behar da saioa bitartean, hau ez baita narratzailearen ardura. besteek saioaz gozatzen jarrai dezaten.
Behar teknikoak
Iluntzeko aukera ematen duen toki lasaia.
Proiektatzeko proiektore eta pantaila toki itxia bada
Toki zabal eta irekietarako badago itsu-muralarekin egiteko aukera (ez da proiektatzen).
Toki zabaletan ezinbestekoa soinu-ekipoa eta teknikaria.
Badago ere ahozko narrazio-saioaren bertsio idatzia: “Bereterretxeren Noblezia”.
Aspaldiko baladaren bertsoetan arnasa hartuta eta ahozkotasunean duen jatorria oso kontutan izanda, Bego Alabazanek euskeraz idatzitako eta iruditutako liburu eder honetan ahozko saioan kontatzen den istorioaz gain, hainbat gehiagarri eta dokumentu agertzen dira balada honen garaia eta kokapen sozio-linguistikoa hobeto ulertzeko.
Bilboko ANTI libuurdendan eta Elkar liburudendetan ere daukazue salgai. Nahi izanez gero, guri ere eskatu ahal diguzue zuzenean.
Jar zaitezte gurekin harremanetan eta helaraziko dizuegu gustura asko.
