Bego Alabazan

Azken bost urteetan bezala, aurton ere Leioako eskoletara gonbidatu naute “Kutxa txiki magiko”etako istorioak txikienekin elkarbanatzera.

Lamiako, San Bartolome, Artaza-Pinueta,Altzaga eta Txomin Aresti izango dira bisitatuko ditudan ikastetxeak.

Iazko saioa errepikatuko dut oso gustukoa izan baitzuten irakasleek.

Txikiei zuzendutako ipuin-saio honetan liburuak irekitzeko keinu magikoaz hainbat liburu irekiko dugu: txiki-handiak, labur-luzeak, irudidunak, irudirik gabekoak, potoloak, meheak, laukiak ala ez… eta denetan, tentuz begiratzen badugu, aurkituko dugu gure zain dagoen istoriotxoa.

Norentzat: 3-5 urte bitarteko umeentzat
Hizkuntza: euskaraz
Iraupena: 45 min.

Udaberrian murgiltzen garenean Naturak kolorez jantzita deitzen digu.

Saio honetan bere magiaz kontatuko dugu

Horretaz ohartzeko bakarrik gelditu eta sentitu ahal dugu nola urtaroetan gure ingurua astiro-astiro aldatzen den gurekin batera, ia konturatu gabe, landareen diseinua ezin hobeaz liluratuta geratu ahal gara edota  txorien abesti alaiaz, begiak itxita, gozatu eta beraiekin hegan egin …

Begoren esku izango den saio honen istorioetan Natura eskuzabalak egunero eskaintzen digun magia honi buruz hitz egingo dugu eta ikusiko dugu geuk ere, nahi izanez gero, horrelako magia apurtxo bat ere egin dezakegula.

Norentzat: 6-10 urte bitarteko ume eta beren familientzat
Iraupena: ordu betea

Egun honetan Bego Araba aldeko Oion herriraino joango da bere “Beldurrai beldurrik ez ” saioaren ipuinak elakrbanatzera aurtengo Korrika Kulturalaren egitarauaren abrruan.

Saio honetako ipuinak beldurrezkoak baino beldurrari buruzkoak izango dira.

Ez dira beldurra ematekoak beldurrak kentzekoak baizik, ipuin hauetan ikusiko ditugulako beldurrei aurre egiteko modu desberdinak.

Denok garelako zerbaiten beldur, normala da. Benetan garrantzitsuena da beldur hauei kontra egiten jakitea, gure barneko munstro eta sorginen kontra borroka egiteko bide egokiak izatea.

Eta izutzen gaituenaren kontrako errekurtsorik onena, ezbairik gabe, irudimena da.

Natura magiaz bete-beteta dago.

Horretaz ohartzeko bakarrik gelditu eta sentitu ahal dugu nola urtaroetan gure ingurua astiro-astiro aldatzen den gurekin batera, ia konturatu gabe, landareen diseinua ezin hobeaz liluratuta geratu ahal gara edota  txorien abesti alaiaz, begiak itxita, gozatu eta beraiekin hegan egin …

Begoren esku izango den saio honen istorioetan Natura eskuzabalak egunero eskaintzen digun magia honi buruz hitz egingo dugu eta ikusiko dugu geuk ere, nahi izanez gero, horrelako magia apurtxo bat ere egin dezakegula.

Norentzat: 6-10 urte bitarteko ume eta beren familientzat
Iraupena: ordu betea

Txiki eta nagusiei zuzenduta dagoen saio honetako ipuinetan betidaniko errege-erreginak, printze-printzesak, altxorrak eta dragoiak ere agertzen dira modu ezohiko batean kontatuta.

Pertsonaia hauek abenturak bizi izango dituzte zailena eta baliotsuena den altxorra eskuratzeko: maitasuna.

Saio honetako entzuleak ez dira heldu diren bezala aterako eta txikienei seguraski galderaren bat edo beste piztuko zaie, gero etxera eramango dituztenak, elkarrizketa sustatzen eta harremanak estutzen.

Hau baita saio honen oinarrizko mezua: familia estu lotzeko maitasuna, olerkia eta umorea ere ezinbestekoak direla.

… eta tipi-tapa, tipi-tapa, Ormaiztegiraino ere heldu ziren beren abentura nahi duten guztiei hitzez eta itzalez kontatzeko asmoz.

Saio honetan Begok Grimm anaiek bildutako ipuin herrikoi eder hau kontatuko digu bere itzal txinatarren antzerkitxo mugikorraren laguntzaz.

Bereziki egokia 5-8 urte bitarteko txikientzat eta maite duten norbaitekin badatoz, askoz hobeto.