Ikastaro honetan, aurrekoan bezala, urrian, azaroan eta abenduan Haur eta Familien Udal Zerbitzuak antolatutako “Osasun Hitzak”/”Palabras Saludables” ipuin-sorkuntzako tailerraren saioak egin genituen, “Gelditu indarberritzeko. Onartu, eraldatu eta baloratu zure osasun mentala” udal-kanpainaren barruan.
Guztira 12 ikastetxe, 24 gela eta 435 ikasle bisitatu ditugu. Talde bakoitzeko lau saiotan pertsonaiak eta istorioak sortu eta ilustratu ditugu, emozioen identifikazioa eta kudeaketa, entzutea, adierazpena eta negoziazio- eta adostasun-trebetasunak bezalako alderdi garrantzitsuak landu ditugun bitartean, irakurketarako eta sormenerako interesa indartuz.
Orain, lan guzti hau ikusteko eta gozatzeko une atsegina iritsi da, ipuin hauek guztiak biltzen dituen liburuaren banaketan.
Alabazanekoontzat “Osasun Hitzak” 2025 liburuaren aurkezpen eta banaketarako saio hauek pozez eta harrotasunez betetzen gaituen festa dira.
