hitzBATU 2014

hitzBATU 2014

Beste ikasturte batez ( … eta jadanik zortzi dira!)  hitzBATU amaitu dugu, Barakaldoko Udalaren Umeen Laborategiak antolatzen duen Ume eta Gazteeen Irakurzaletasuna Sustatzeko egitaraua. Honetan, Barakaldo eta Gurutzetako 13 ikastetxeetako Lehen Hezkuntzako 4.mailako 23 taldeetako neska-mutilek hartu dute parte eta beraiek asmatutako ipuinekin liburu digitala argitaratu izan da.

Aurten, pertsonaia nagusiak emakumezkoak izatea nahi izan dugu.

Irudimenaz eta “soramenerako baimena”z (nahiz eta “fantasiaren logika”ren barne) sortutako istorio hauetan, neska-mutilek ipuin herrikoietako pertsonaiei tradizioak egokitutako moldeak apurtu dituzte: badago potere magikoak dituen amaorde jator bat, Rapunzel izeneko erdi igel-erdi kalmaleoia den estralurtarra, Txanogorritxo izeneko deabru maltzurra... eta horrela, ezagutzen ditugun ipuinetako elementuak erabiliz, denon artean negoziatuz, gure proposamenak azaltzen, bozkatzen eta taldearen erabakiak onartzen, sortu dugu denon artean eta beste behin ere, hitzBATU 2014ko liburu hau.

Maiatzarek 9 eta 12an, tailer hauetako parte-hartzaileekin (ikasle eta irakasleekin) bildu izan gara amaiera-ekitaldian aurtengo liburu digitala aurkezteko, beren parte-hartzea eskertzeko eta emaitzaz zoriontzeko.

Alabazaneko Pedro eta Begoontzat, soramenen-biltzaile-irudimen-gidariak izan garenontzat, oso pozgarria da neska-mutil guzti hauek berriro ikustea, ez bakarrik beren liburu ederra pantailan haundi haundi ikusten dutenean aurpegia pizten zaielako, baita ere oso dibertigarria zaigulako beraiek sortutako ipuin batzuk ahoz kontatzen ditugulako.

Esan bezala, beste behin ere, gozada hutsa izan da! Zazpi mila esker!!!


Hemen duzue liburua ikusteko lotura: hitzBATU 2014 liburua eta hemen amaiera-ekitaldiko argazki batzuk:

2014-ko maiatzaren 15 11:05 orduetanBego

Itzuli

  • Jarraitu

Google+